ZION COMMANDO

CHAWNPUI KTP - ZOKUTPUI CHERAW KAN

Group News :-

Eliza Group

An Group hruaitute an \ang nasa bawk a, sum tuak nan tun kar chho khan World Cup Fixture veng chhungah an zuar a, tlawmngaia lo leisak tute zawng zawng chungah lawmthu an sawi. Tin, June thlaa Beat contest atan an inbuatsaih tan a, pakhatna ni ngei tumin hma an la chho mek a ni.

Jeremia Group

Anni Group pawh hian hma an la nasa hle a, tunkar nilaini zing karah khan Picke an zuar a. Sum thahnem tak hmuchhuakin Group half yearly budget an phak lohna pawh tlemte a ni ta. Tlawmngaia an pickle zawrh lo leisak tute zawng zawng chungah lawmthu an sawi. Tin, remchang hmasa berah T-shirt zuara sum tuak an tum bawk. Member zawng zawng te KTP activities leh Kohhran Inkhawma tang deuh deuh turin Group hruaituten an member zawng zawng te an ngen a ni.

Isaia Group

Anni Group hian Synod Choir Music Video Album zuarin sum an tuak a, vengchhung mipui lo leisak tute zawng zawng hnenah lawmthu an sawi. Tin, tunhnai chhoah hian hmalakna chi hrang hrang kalpui chhoh an tum mek a, group member te lo inralring turin hruaituten an chah a ni.

HARNA THLENNI

Vawiin hi kan kohhranin hun rei tawh tak a\anga hun pawimawh (Special Programme) kan lo hman thin Harhna thlen Ni a ni a. Mahse, Easter Sunday Programme nen a hun a in nan a vangin ahrang hlakin hun kan hmang thei ta lova. Zanin lamah hemi pual inkhawm kan nei dawn a ni.

AIDS CHUNGCHANG ZIR DAWN

Branch K|P chuan Naktuk zan Inkhawmah hian tunlaia natna hlauhawm tak AIDS chungchang inzirtirna hun an hmang dawn a. Hemi chhim duh Kohhran mi tupawh a tel theih a, Nu leh Pa te pawhin kan fate inkhawm ngei tura tir turin hruaitute chuan min ngen a ni.

Kan member Pu K.Lalchhanhima Missionary chu Synod Rescue Home Durtlang ah Social Worker tura lak thar a ni.

Pathian awmpui na leh ven na zarah Chawnpui Kohhran Golden Jubilee 28 March khan hman zawh a ni ta, a kham awm loh hle mai, ruai ropui tak a theh a ni a, sebawng 1, bawng 1, vawk 3, kel kg 70, ar engmo zah talh a ni.